Piren’IA Media
Adimen artifizialean oinarritutako proiektua da PirenIA Media. Muga arteko hizkuntzak erabiltzen dituzten gertuko komunikabideetako erredakzioetan adimen artifiziala txertatzeko helburuz sortua.
Muga arteko komunikabideen artean elkarlanez sortutako proiektua da PirenIA. Bereziki gertuko komunikabideei zuzendutako proiektua da testuinguru horretan erabiltzen diren hizkuntzak oinarrian dituena eta edukien areagotzea eta haien kalitatearen handitzea bilatzen duena.
Proietua elkarlanez sortzen da hiru entitateren artean. Alde batetik, euskarazko komunikabideak biltzen dituen Hekimen elkartea dugu, bestaldetik, Associació de Mitjans d’Informació i Comunicació (AMIC) eta azkenik, La Semaine du Roussillon ekialdeko pirinioetan hedatzen den gertuko komunikabidea.
Proiektuaren helburu nagusia gertuko komunikabideei adimen artifizialean oinarritutako tresna erraz eta eraginkorra eskaintzea da erredakzioetako lanak erraztu eta eraginkortzeko. Tresna horri esker erredakzioetako lana erraztu, bizkortu eta areagotuko ditu erredaktoreak kalitatezko lanak sortu ahal izateko beharrezkoa duten denbora eskainiz. Horrek, dudarik gabe, gertuko komunikabideen eraginkortasuna areagotuko du eta audientzia berrietara iristeko aukera eskainiko du.
Tresna horrek katalana, okzitanera, euskara, frantsesa eta gaztelania erabiliko ditu eta ondorioz, Euskal Herrian, Akitania Berrian, Katalunian eta Okzitanian lan egiten duten komunikabideentzat egokia izango da. Haren ezartzea errazteko formakuntza plana abiatuko da eta aurrez aurreko aholkularitza eskainiko zaie komunikabideei. Proiektua 2026 eta 2027 urteen artean garatuko da. Lehen fasean 80 komunikabidetara iritsiko da eta ondoren, arian-arian hedatuko da proiektua ezagutarazteko egingo den lanari esker.
198.876,29 €-ko aurrekontua du proiektuak eta horren %65 Europar Batasunak finantzatzen du Interreg VI-A España-Francia-Andorra (POCTEFA 2021-2027) programaren bitartez. POCTEFAren helburua elkarlan ekonomikoa eta soziala sustatzea da Andorra, Frantzia eta Espainaren artean
